SSW کی ایک اور بنیادی خصوصیت جاپان کی جانب سے ایک اعلیٰ معیار کے معاونت سسٹم کی موجودگی ہے ۔ کوئی بھی شخص جو SSW پروگرام کے تحت جاپان آئے گا / آئے گی، اسے اپنے آجر سے مندرجہ ذیل معاونت حاصل ہو گی، تا کہ اسے ذہنی سکون کے ساتھ کام کرنے کے قابل بنایا جا سکے ۔
1. جاپان آنے سے قبل، آپ کو جاپان میں زندگی گزارنے کے متعلق اس زبان میں رہنمائی فراہم کی جائے گی جس سے آپ واقف ہوں ۔ 
2. جب آپ جاپان پہنچیں گے تو ایئرپورٹ پر آپ کا استقبال کیا جائے گا، اور جب آپ گھر واپس روانہ ہوں گے تو آپ کو ایئرپورٹ سے الوداع کیا جائے گا ۔ 
3. آپ کو مکان کرایہ پر لینے اور بنک اکاؤنٹ کھولنے کے ساتھ ساتھ جاپان میں موبائل فون اور دیگر ضروریات زندگی کے طریقہ کار میں معاونت فراہم کی جائے گی ۔ 
4. آپ کو جاپان میں زندگی گزارنے میں مدد کے لئے، ہم جاپانی معاشرے کے قواعد و ضوابط اور آداب زندگی، جاپان میں ٹرانسپورٹ کے استعمال کا طریقہ کار، اور قدرتی آفات جیسا کہ زلزلے کی صورت میں ردعمل کے طریقہ کار کے بارے میں واقفیت کی مجالس منعقد کر تے ہیں ۔ 
5. آپ کے مقامی سٹی ہال میں رہائشی کی حیثیت سے رجسٹر کروانے کے علاوہ ٹیکس کا طریقہ کار اور دستاویزات کی تیاری جیسے معاملات کے بارے میں بھی معاونت فراہم کی جائے گی ۔ 
6. آپ کی جاپانی زبان کی مزید تعلیم میں مدد بھی فراہم کی جائے گی ۔ 
7. اگر آپ کو کسی مسئلے کا سامنا ہو تو، آپ اپنی زبان میں یا پھر انگریزی زبان میں مشورہ حاصل کر سکتے ہیں ۔ 
8. آپ کو جاپانی لوگوں سے بات چیت کے مواقع بھی دئیے جائیں گے تا کہ آپ ان سے فائدہ اُٹھا کر جلد از جلد جاپانی معاشرے سے واقفیت حاصل کرسکیں ۔ 
9. اگر آپ کا آجر آپ کو ملازمت سے برطرف کرنا چاہتا ہے تو ہم آپ کو کام کی نئی جگہ تلاش کرنے میں مدد فراہم کریں گے ۔ 
10. ہم کمپنیوں میں SSW سپورٹ لیڈروں سے مختلف معاملات پر مشاورت کے لئے باقاعدگی سے میٹنگیں منعقد کرتے ہیں ۔ 

میزبان کمپنی کے بارے میں

1. غیر ملکی شہریوں کی میزبانی کے لئے قبول کرنے والے اداروں کے لئے معیار

1. ①غیر ملکی شہریوں کے ساتھ ملازمت کا معاہدہ مناسب ہونا چاہیئے
2. ②بذات خود ادارہ موزوں ہونا چاہیئے (مثلاً، گزشتہ 5 سالوں کے دوران امیگریشن اور لیبر قوانین کی خلاف ورزی نہ کہ ہو)
3. ③ان کے پاس غیر ملکی شہریوں کی معاونت کا سسٹم موجود ہو(مثلاً، غیر ملکی شہریوں کو اس زبان میں معاونت فراہم کر سکیں جو کہ وہ سمجھ سکتے ہوں)
4. ④غیر ملکی شہریوں کی سپورٹ کے لئے مناسب منصوبہ بندی ہو (مثلاً، بشمول روز مرہ زندگی سے واقفیت کی مجالس، وغیرہ)

2. میزبان اداروں کے فرائض

1. ①غیر ملکی شہریوں کے ساتھ طے شدہ معاہدے کی شرائط پوری کا جاتی ہوں (مثلاً، اُجرتوں کی مناسب ادائیگی)
2. ②غیر ملکی شہریوں کو موزوں معاونت کی فراہمی
   ←معاونت کی خدمات کسی باہر کی رجسٹرڈ سپورٹ آرگنائزیشن کو بھی دی جاسکتی ہیں ۔
   اگر جملہ خدمات باہر کی آرگنائزیشن کو دی جائیں تو، ③1 کی شرط کو پورا کرنا بھی لازمی ہے
3. ③امیگریشن سروسز ایجنسی کو متفرق فارم جمع کروانا ہوں گے

نوٹ: وہ ادارے جو ① سے ③ تک کے فرائض کو پورا کرنے میں ناکام رہیں گے ان کو غیر ملکی شہریوں کو بلانے کی اجازت نہیں دی جائے گی، اور ممکن ہے کہ امیگریشن سروسز ایجنسی کی جانب سے رہنمائی یا معاملات کو بہتر بنانے کے احکامات جاری کئے جائیں ۔

رجسٹر شدہ سپورٹ آرگنائزیشنوں کے بارے میں

1. رجسٹریشن کا معیار

1. ①بذات خود ادارہ موزوں ہونا چاہیئے (مثلاً، گزشتہ 5 سالوں کے دوران امیگریشن اور لیبر قوانین کی خلاف ورزی نہ کہ ہو)
2. ②ان کے پاس غیر ملکی شہریوں کی معاونت کا سسٹم موجود ہو(مثلاً، غیر ملکی شہریوں کو اس زبان میں معاونت فراہم کر سکیں جو کہ وہ سمجھ سکتے ہوں)

2. رجسٹرڈ سپورٹ آرگنائزیشنوں کے فرائض

1. ①غیر ملکی شہریوں کو موزوں معاونت کی فراہمی
2. ②امیگریشن سروسز ایجنسی کو متفرق فارم جمع کروانا ہوں گے

نوٹ: وہ ادارے جو ① یا ② کی شرائط کو پورا نہ کرسکیں ان کی رجسٹریشن منسوخ کر دی جائے گی ۔