ایک عمومی اصول کے مطابق، کوئی بھی غیر ملکی شہری جو جاپان میں داخل ہونے کا ارادہ رکھتا / رکھتی ہو تو اس کو کسی غیر ملک میں موجود جاپانی سفارت خانے (وزارت امور خارجہ کا ادارہ) سے ویزا کا اجراء کیا جاتا ہے ۔ تاہم، صرف ویزا کا حصول جاپان میں داخلے کی ضمانت نہیں دیتا ۔ جب آپ جاپان پہنچتے ہیں ، تو آپ کو ایئرپورٹ پر وزارت انصاف کی امیگریشن سروسز ایجنسی کے ذریعے ضروری جانچ پڑتال سے گزرنا پڑتا ہے، اس لئے آپ کو ایسا رہائشی سٹیٹس حاصل کرنا ہوتا ہے جو، جاپان میں قیام کے دوران آپ نے جن سرگرمیوں کا ارادہ کیا ہو ان کے عین مطابق ہو ۔ چنانچہ "ویزا" اور "رہائشی سٹیٹس" الگ الگ طریقہ کار ہیں جو مختلف اداروں کے دائرہ اختیار میں ہیں ۔ اس پیج پر فراہم کیا گیا SSW سسٹم رہائشی درجے کی ایک نئی قسم ہے جو بالکل حال ہی میں قائم کیا گیا ہے ۔

SSW کے طور پر جاپان میں کام کرنے کے اہل افراد کی عمر کم از کم 18 سال ہونا ضروری ہے، ان کو صحت مند ہونا چاہئے، نیز ہنرمند اور جاپانی زبان کی قابلیت ہونا ضروری ہے، تا کہ کسی قسم کی پیشتر تربیت کے بغیر فوری طور پر کام شروع کر سکیں ۔ ہنر اور جاپانی زبان کی قابلیت دونوں جاپان کی جانب سے منعقد کئے جانے والے ایک مشترکہ امتحان کے ذریعے چیک کئے جائیں گے ۔ ایک عام اصول کے تحت، آپ اپنے کنبے کے افراد کے ساتھ جاپان نہیں آ سکتے، اور آپ کل 5 سال تک کام کر سکتے ہیں ۔ ویزے کے دیگر سٹیٹس وغیرہ کے مقابلے میں ایک اور بڑا فرق جو آپ کو جاپان میں کام کرنے کی اجازت دیتا ہے، وہ آپ کے آجر کی طرف سے جاپان پہنچنے سے لے کر آپ کے وطن واپس جانے تک روزمرہ زندگی اور کام دونوں معاملات میں وسیع پیمانے پر معاونت کا حصول ہے ۔
اتفاقاً، ایک اور سسٹم جو" ٹیکنیکل اِنٹرن ٹریننگ " کہلاتا ہے، بین الاقوامی شراکت داری کے مقصد سے قائم کیا گیا ہے، جس کے تحت ورکر جاپان میں کام کے دوران مختلف تکنیکی ہنر سیکھتے ہیں ، اور پھر اپنے وطن واپس جا کر جاپان کی تکنیکی مہارت دوسروں سے شیئر کرتے ہیں ۔ ایسے افراد کے لئے جو اپنا رہائشی سٹیٹس اس سسٹم سے SSW میں تبدیل کرنا چاہتے ہوں، جنہوں نے اپنی ٹریننگ کا ایک مخصوص حصہ کامیابی سے مکمل کر لیا ہو، ان کے لئے اپنے کام کے شعبے میں ہی کام اور جاپانی زبان کی قابلیت کے امتحان کے بغیر تبدیلی کا ایک مختصر راستہ وضع کیا گیا ہے ۔

وزارت صحت، لیبر اور فلاح و بہبود کے دائرہ اختیار کے تحت

• 

  نرسنگ کیئرجسمانی نگہداشت کے علاوہ (نہانے، کھانا کھانے، جسمانی اخراج جیسے کاموں میں مدد کرنا وغیرہ، صارف کی جسمانی اور ذہنی کیفیت کے پیش نظر)، اس سے متعلق کسی بھی قسم کی خدمات (تفریح، یا فنکشنل ٹریننگ میں مدد، وغیرہ) فراہم کرنا ۔
  نوٹ: گھر پر جا کر خدمات فراہم کرنا اس میں شامل نہیں ہیں

• 

  عمارتوں کی صفائیاندرون عمارت صفائی

• 

  میٹریل اور پروسیس انڈسٹریکاستنگ، فورجنگ، ڈائی کاسٹنگ، مشیننگ، دھاتی پریس، فیکٹری شیٹ میٹل کا کام، پلیٹنگ، ایلومینیم انوڈائزنگ، فنشنگ، مشین انسپکشن، مشین کی مینٹننس، سپرے پینٹنگ، اور ویلڈنگ ۔

• 

  صنعتی مشینوں کی مینوفیکچرنگکاستنگ، فورجنگ، ڈائی کاسٹنگ، مشیننگ، سپرے پینٹنگ، لوہے کا کام ، فیکٹری شیٹ میٹل کا کام، پلیٹنگ، فنشنگ، مشین انسپکشن، مشین کی مینٹننس، انڈسٹریل پیکجنگ، الیکٹرانک آلات کی اسمبلی، بجلی کے آلات کی اسمبلی، پرنٹنڈ وائرنگ بورڈ مینوفیکچرنگ، پلاسٹک مولڈنگ، دھاتی پریس، اور ویلڈنگ ۔

• 

  الیکٹریکل، الیکٹرانک، اور انفارمیشن انڈسٹریزمشیننگ، دھاتی پریس، فیکٹری شیٹ میٹل کا کام، پلیٹنگ، فنشنگ، مشین کی مینٹننس، الیکٹرانک آلات کی اسمبلی، بجلی کے آلات کی اسمبلی، پرنٹنڈ وائرنگ بورڈ مینوفیکچرنگ، پلاسٹک مولڈنگ، سپرے پینٹنگ، ویلڈنگ، انڈسٹریل پیکیجنگ

وزارت اراضی، انفراسٹرکچر، نقل و حمل اور سیاحت کے دائرہ اختیار کے تحت

• 

  تعمیراتمولڈڈ بلاکس کی تعمیر، پلستر، کنکریٹ پمپنگ، سرنگیں اور پروپلشن، تعمیراتی مشینری اور تعمیرات، زمینی کام، چھت سازی، ٹیلی مواصلات، تعمیراتی سریا، سریا جوائنٹ کا کام، انٹریئر فنشنگ اور ماؤنٹنگ، تعمیراتی مچان سازی، تعمیراتی لکڑی کا کام، پائپنگ، تعمیراتی شیٹ میٹل، گرم/ ٹھنڈی اِنسولیشن، سپرے یوریتھین اِنسولیشن، میرین سول انجنیئرنگ

• 

  جہاز سازی اور میرین مشینری کی صنعت ویلڈنگ، سپرے پینٹنگ، لوہے کا کام، فِنشنگ، مشیننگ، بجلی کے آلات کی اسمبلی

• 

  آٹو موبائل کی مرمت اور دیکھ بھالروزانہ انسپکشن اور مینٹننس، معمول کی انسپکشن اور مینٹننس، گاڑیوں کے پرزوں کو کھولنا اور دیکھ بھال کرنا ۔

• 

  ہوابازیایئرپورٹ گراؤنڈ ہینڈلنگ (گراؤنڈ ڈرائیونگ سپورٹ سروسز، بیگیج / کارگو ہینڈلنگ سروسز، وغیرہ)، ہوائی جہاز کی مینٹننس (طیاروں کی مینٹننس کی سروسز، اور آلات، وغیرہ)

• 

  مہمان خانہمہمان خانہ میں قیام سے متعلق خدمات فراہم کرنا، بشمول استقبالیہ کا کام، پلاننگ اور پبلک ریلیشن، کسٹمر سروس، ریسٹورنٹ سروس، وغیرہ ۔

وزارت زراعت، جنگلات و ماہی گیری کے دائرہ اختیار کے تحت

• 

  زراعتعام فصلوں کی کاشتکاری (فصلوں کا انتظام، جمع کاری / ترسیل / زرعی مصنوعات کا انتخاب، وغیرہ)، عام مویشیوں کی فارمنگ (فیڈ کا انتظام، جمع کاری / ترسیل / مویشیوں کی مصنوعات کا انتخاب، وغیرہ)

• 

  ماہی گیری اور آبی کاشتکاری ماہی گیری (مینوفیکچرنگ اور ماہی گیری کے آلات کی مرمت، آبی جانوروں یا نباتات کی تلاش، ماہی گیری کے آلات اور ماہی گیری کی مشینری کو چلانا، آبی جانوروں اور نباتات کو جمع کرنا، شکار کی پروسیسنگ اور سٹور کرنا، سیفٹی اور صحت کو یقینی بنانا، وغیرہ)، آبی کاشتکاری (آبی کاشتکاری کے آلات کی مینوفیکچرنگ / مرمت / اور انتظام، آبی کاشتکاری کے جانوروں اور نباتات کی کاشت / کٹائی / اور پروسیسنگ کا انتظام کار، سیفٹی اور صحت کو یقینی بنانا، وغیرہ)

• 

  فوڈ اینڈ بیوریج مینوفیکچرنگ(کھانے کی اشیاء اور مشربات کی مینوفیکچرنگ اور پروسیسنگ (بجز الکوحل والے مشروبات)، سیفٹی اور صحت) عام کھانے کی اشیاء اور مشروبات کی مینوفیکچرنگ

• 

  فوڈ سروسز کی صنعتعمومی کھانے کی سروسز (جیسا کہ کھانے اور مشروبات کی تیاری، کسٹمر سروس، سٹور مینجمنٹ)